Zambiadiary
  Startseite
  Archiv
  Gästebuch
  Kontakt
  Abonnieren

   ZamPhotos

http://myblog.de/schmuntza

Gratis bloggen bei
myblog.de





Another nice trip

am dienstog bine noch 9 togen wieder glücklich und gschlaucht dahoam in Ndola unkemm.

woar wieder amol super a wenn oan 5 zambianer mehr als zur weissglut bringen kinnen, speziell wenn 3 davon frauen sein und gern einkafen.

überhaupt wenn man als "technika" oder sog ma amol europäer schnelles, effektives orbeiten gewöhnt isch. wenn oan oft da betrieb in dem man orbeitet a no sympathisch isch, man woaß welche finaziellen probleme dieser hot und dass jeder tog, a wenn man nit unsummen für handyguthoben, softdrinks, privateinkäuf usw. verschleidert , an haufen kohle kostet, isch man oft kurz vorm wutausbruch.

didi und i (andi isch wieder amol dahoam geblieben, weil er independens day feiern gewellt hot und ihn zu viel leit bzw. stress woarn) homm versuacht unser film- und fotomission immer awe unzutreiben und da mission press geld zu sporn wos holt gong isch.
dabei sei ma meistens kläglich gescheitert .... jedes mol sobold ma irgendwo wieder empfong gehob homm sein unsere 5 kollegen gschlossen am handy gehongen. oft isch ma vörkemm se rüafen sich gegenseitig un lei damit se telefoniern kinnen. schlimmer wie 14 jährige mädls dahoam. warum a nit ... zohlt jo da chef.

1 gonzen tog homma in an 35° hoaßen zimmer worten missen, zommen mit 300 fliegen weil ma de tir offen lossen gemisst homm damit ma unser autos sechen.

grund: bei 1 auto hommse uns in da nocht de heckscheibe obmontiert (oba nix gstohlen), woar also offen. es zweite woar a pickup und do braucht man bekonntlich olles wos transportiert wird lei von da lodefläche mitnehmm.

warum ma gewortet homm?
weil da rest vom team im gegensotz zu uns ohne probleme über de grenze noch tanzania auf an riesigen morkt gian gekinnt hot und irgendwer miss jo aufs auto aufpassen.
info am ronde: retour kemmen sein se am obend mit ca 350kg Reis, Maismehl uä.

oba wie gsog da trip woar trotzdem lässig.
a poor neue wosserfälle sein ins fotoarchive kemmen, heiße quellen, a oltes herrnhaus, und an haufen höhlenmolerein.

de verleger von mein reiseführer hun i getroffen (Hube ... von de isch übrigens da VW Bus mitn gepard [flickr])
in präsidenten (oder zumindest der ders ohne wohlbetrug werdn hätt sollen) hune de hond gschüttelt und fest gelobt wöan ..... es brauchet 80 000 "von uns" und nit 80 000 chinesen (innenpolitischer joke + kritik an da derzeitigen regierung)

folls da didi wieder amol an bericht zustonde bringt, post i den natürlich .... dauert oba immer 1,2 wochen.

 

2.11.06 10:45


Kashiba Vol. 5

Am wochenende woare wieder bei mein geliebten seelen und wie jedes mol woars wieder a holbs abenteuer.

Optisch verändert sich a mit jeden besuch einiges.
Von 3 meter hohem gros bis kahl und dürr woar jo schun olls dabei.

Zurzeit, beginn der regenzeit, weats longsom etwos grüner und da boden lebt.
Bei unserm zweiten besuche sei ma no locker, lässig mit schlofsock und decke am boden gelegen, wos des mol nit nur wegen en regen ungemütlich werdn hätt können.

Freitog sei ma noch da orbeit obgehaut. Geplanter start 16:00 uhr. Andi hot in gonzen nochmittog frei grieg und hot schun eingekaft damit ma zur obwechslung amol pünklich wekkemmen.
De afrikanische zeit laft oba irgendwie immer ondersch und es isch 18:30 wöan.
Noch 1 1/2 stund woar ma beim see. Stockdunkel, weil schun dicke, schworze gewitterwolken aufgezogen sein ... schnell zelte aufgebaut, de wie jedes mol wieder 5 löcher mehr gehob homm und a feins feuer gemocht.
Bis auf de dicken wolken woar oba vom regen nix zu sechen.
Also fein zommgsessen und a poor Mosi getrunken. Olls super ... solong bis da erste aufsprung isch und holbpanisch amol an fetten käfer unter sein t-shirt außa geholt hot

Oft hot jeder amol genauer im kreis gschaut .... noch oaner güaten viertl stund beim feuer bine ma vörkemm wie in Indiana Jones wo er über an lebenden boden aus insekten geht ;-)
I glab i hun aloan in der nocht mehr verschiedene insekten und spinnen gsechen wie a durchschnittseuropäer überhaupt kennt und olls hot sich gegenseitig attakiert und gfressen.
Nochdem i 3 mol fost an strip hingeleg hun weile wieder irgendwo wos krabbln gspirrt hun, hune ungfong mei hose in de socken eichen zu stopfen.



Da zweite tog woar awe wolkenverhongen am vormittog. Temperatur und wosser woan oba optimal. Irgendwonn gegen zmittog bin amol ausn wosser kemmen und bin glei mit unserm mittogessen konfrontiert wöarn.
Heint gibs maulwurf hot ma da brian stolz mitgeteilt.
Gfongen homm ma den natürlich nit selber .... de spezialitäten grieg man an an afrikanischen see vom caretaker um 5 Pin (1 euro) oder noch verhondlungen um 3 Pin im austausch gegen 2 wirstlen.

Jo maulwurf isch nit so schlecht wie man sich des vielleicht denkt wenn man so es gonze viech vör sich hot.
Glücklicherweiße woar oana von unsere begleiter erfohrener maulwurfkoch und des gonze isch am selber gebauten grill fochgerecht zubereitet wöan.



Am obend hot sich oft des gonze spiel vom vörobend wiederholt. Mit da ausnohme, dass in de zelte gleich viel viecha woan wie am boden.
Wie's oft no gscheid schittn ungfong hot und unsere zelte mehr oder weniger a trockene zufluch geboten homm, (am unfong zumindest) hot oft schußendlich olles wos kreucht und fleucht de nocht mit uns verbrocht.

De Zeltplane woar oba eh erstaunlich dicht ... oba leider nur der teil am boden und der hot es wosser am obrinnen gehindert. In da fria sei ma nochand in useren eigenen, überdochten pool aufgewocht.

Woar wieder a top wochenende!!

22.11.06 15:12





Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung