Zambiadiary
  Startseite
  Archiv
  Gästebuch
  Kontakt
  Abonnieren

   ZamPhotos

http://myblog.de/schmuntza

Gratis bloggen bei
myblog.de





Scrambled Egg & rEAL Coffee

Eierspeiß und a rechter Kaffee.

Wos a rechter Kaffee isch???
Nojo noch 7 monat Nescafe Instant sch... so ziemlich jedes hoaße wosser des in sein leben irgendwonn amol a "richtige", gemohlene Kaffeebohne berührt hot.

 

JO und de ehre isch ma heint auf grund unserer italienischen besucher de ma grod homm, zuteil wöan.
Und nochdem i von dem wunderboren gsöff amol endlich wieder de augen in da friah aufgrieg hun .... hune sogor no a feine eierspeiß und a baguett entdeckt.

Des klingt woahrscheinlich a nit goar so spektakulär ..... oba wenn man sich jeden tog es gleiche tostbrot mitn gleichen honig unter de nosen scheub freit man sich über sowos so, dass man glei an blog postet.

 

neben der eben erwähnten topstory wär vielleicht no unzumerken dasse am Freitig in de Northern Provinz fetz und a wosserfollfilmtour start ..... nur für die Mission Press sprich orbeit, 4,5 toge in busch mit besuch im Kongo.

 

zum schluß würd i me no gern bei olle gROß-KleinSchreiber und anti-angloisierungsunhänger recht herzlich entschuldigen!

 

3.8.06 08:09


Nsobe

Vor ca. 2 monat homma mit unserer Sekretärin ausgemocht dass ma amol an gemütlichen griller starten.
Des Wochenende hommas endlich gschofft.
Wie da Zufoll so will woan a 4 österreichische Volunteers aus Lusaka grod in Ndola .... de homma natürlich a glei mitgenomm + 5 ondere leit de i nit gekennt hun ( Standard: "I kenn wen der wen kennt der unbedingt mit muss" ) + a Sister mit Auto.

Es hot wieder amol fost bis 11 gedauert bis ma's gschofft homm aufzubrechen (a Standard) oba sonst isch olles recht planmäßig gelafen ... woar recht a chillige grillerei.

Ansonsten kune lei wie immer auf meine Flickrbilder verweißen.
Sein oba nit goar so weltbewegend.

Ajo Krokos gibs do a.


17.7.06 12:04


Half a year in Zambia

Jepp man glabs fost nit!!!!
Mitn heintigen tog weans 6 Monat.

Oba es oanzige woron i des merk dass schun a holbes Joahr her isch dasse de Heimat verlossen hun sein meine Zottn .... de wochsen fröhlich vör sich hin.

De Zeit isch schnell vergongen und gfahlt hot ma eigentlich nix daweil.
Wos i hetz noch Afrika ungeh woase a schun mehr oder weniger, also hot sich des gonze schun rentiert.

Andi isch zurzeit im Kronkenhaus, weil er 2 Wochen noch da zweiten Malaria hetz de dritte ausgfossn hot und um einer kronischen Erkronkung vorzubeugen hommsen hetz 2 Toge a Spritzenkur verpasst. Isch oba nit so schlimm wies klingt.

Didi und i lafen zurzeit nur zwischen da neuen Digitalen Druckpresse und Layout hin und her weil a größe Messe (TradeFair) unsteht und mir mittlerweile für olls verontworlich sein. Pc-Probleme, Jobs de schun fertig sein sollten und da Kunde im Büro schun wortet, Pc-Probleme, Organisatorisches in da Stodt und Umgebung wos a Auto braucht, Pc-Probleme, usw. .....

Oba i will mie nit beschwern. Man kimmb sich wichtig vör und de wochen vergehn oane noch da ondern.

Wer me besuchen will isch natürlich immer no herzlich eingeloden oba wenn würd i empfehlen mit Rucksock und Zelt. Hotelurlaub wär erstens zu teuer und isch sicher uninteressant .... Backpacking und traveling by bus (event. mit Jepp) wär mei vörschlog.
Oba do gibs vielleicht in nächster zeit eh a bruggaerlebnisreißeongebot.

Folls wirklich wer kemmen sollte bitte Speck und Milka mitnehmen, beides Mongelprodukte.

 

 

 

28.6.06 09:55


Teil 2 Online

so hetz isch olles online.

2ter Teil isch oba unterm ersten platziert .... also oanfoch noch fortsetzung folgt fröhlich weiterlesen.

14.6.06 15:42


Sooooooo

noch longen versprechungen is hetz soweit ....

Didi isch zwoar immer no nit endgültig fertig mit da Story oba da 1. Tog isch amol online.

Und wie sich des für an gscheiden 2teiler keat isch de letzte szene super "gschnitten" damit es publikum sich a in 2ten teil eichenzeucht!!!

i hoff de fotos wean olle ungezoag.
oba genug des dialekts......
viel spaß beim lesen.

12.6.06 09:43


[erste Seite] [eine Seite zurück]  [eine Seite weiter]



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung